بسم الله الرحمن الرحيم
اليوم موضوعي موجه لفئة معينة من الناس و يمكن مايهم شريحة كبيرة من الناس بس برضو بما أني مريت بتجربة قهرتني فحبيت إني أشارككم هي
الشريحة اللي اقصدها هما اللي زي حالتي ..ناس يحبوا الهدوء ومايحبوا القروشة (الازعاج) في الفواتير ورجتها فيضطروا يلجأوا للوسائل التانية االي منها استخدام بطاقات الشحن سواءً (سوا) أو (موبايلي
اللي حصل معايا ياجماعة وقهرني ونكد عليا ااني كنت رايحة الجامعة ومستعجلة عندي محاضرة وطبعا مااقصر مخلصة الرصيد أول بأول ..المهم وقفنا عند أقرب بقالة(ترا حتى في المكتبات ومحطات البنزين ومحلات العطور والملابس وحتى راعي الكفتيريا اللي جنبنا يبيع بطايق شحن)المهم بلا طول سيره
والسواق المسكين ينزل ويشتري بطاقة ..وافتحها الاقي الرقم السري ممسوح من صباح رب العالمين ..استمريت على دا الحال 3 مرات
وسواقنا رايح جاي ع البقالة ؟؟دا كلو طبعا وأنا ملطوعة في السيارة
السؤال هنا ..فين الخلل في بطاقات سوا .!!؟؟.
وهذا الموقف خلاني افكر في موضوع شرايح سوا ومشاكلها ولاحظت انه في بعض الاماكن يبيعو البطاقه بزياده عن سعرها الاصلي مثلا صاحب اخويا في الجامعه راح يشتري بطاقه وفوجيء انهم يبيعو البطاقه اللي بعشره ب11 ريال وهكذا دواليك وطبعا المضطر يركب الصعب
وهذاغير انه الشرايح صارت تتباع كمان في أي مكان زي بطايق الشحن و ماشاء الله عاد طالبات المدارس يوزعوها بين بعضهم وكل هذا من ورا اهاليهم
انا مااعرف ليش الشركه ماتعمل رقابه على موضوع الاسعار والشرايح ؟؟
وفي الاخير احب اقول انه هذي وجهة نظري واتمنى اني مااكون ازعجت أي احد بس زي ماتعرفو (لازم اعبر ولازم اقول )
ولا تنسو انها البدايه وبس ……
(w)
وفاء
اول شي بالمبارك وبداية موفقة بإذن الله
بالنسبة لبطايق سوا او موبايلي >>> طبقي عليها بيت الشعر القائل
أسمعت إذا ناديت حيا …. ولكن لا حياة لمن تنادي
اغسلي يدك من الاتصالات همهم الاول والاخير >> كيف يشفطوا العميل ويصفصفوا جيوبه
وعلى فكرة ترى بطاقات سوا زادت اسعارها بالفعل في فترة من الفترات اعتقد زيادة ريال واحد على كل مجموعة يعني اللي بـ 10 صارت بـ 11 واللي بـ 20 صارت بـ 21 … وهكذا
بس شكلهم رجعوا في قرارهم خخخ
يلا قبل ما اسري >>>> بس عندي ملوحوظة قد النملة
ياريت تكبروا الخط شوية لحسن اتعميت وانا اقرا خخخ
السلام عليكم ورحمة اللة وبركاتة
الصراحة انا ما استخدم بطاقة سوا وما اعرف عنها شئ
بس عموما اتمنالك التوفيق وطولة البال
عزيزتي اوده
الله يبارك فيكي
وصح كلامك انا لاحظت موضوع رفع اسعار البطايق
بس الله يستر لا يرجعو تاني ويسووها
ومشكورة على الملاحظه والمرور يااحلى اوده
بواسطه
..وفاء(w)
نورتي والله ياوجه القمر
وخليكي كده دايما بدون سوا احسن لك
وكتري دعواتك ليا بطولة البااال
مشكورة على مرورك الحلو و زورينا دايما
بواسطه(w)
وفاء
احم احم انا جيت << لا يشيخه يعني مارحتي <<< تستخف دمها
بعد السلام
اول شي اهنيكم على التطور الرااائع في مجال التكنولوجيا الا وصلتو له
ومن تقدم لتقدم ياااارب بس دفوني معاكم
تاني شي اذا على البطايق انا ماعمري اشتريت بطاقة سوا في حياتي
جوالي ولله الحمد فواتير وكمان عميل التميز في الجوال <<< احلا يا vip
بس استخدم موبايلي في النت ودي الشركه اقدملها كل الاحترام لأنه منجد فله وكل شي فيها حلو
يعني انصحكم انكم تحولو على موبايلي احسن من الاتصالات وقلقها
ويله كلامي كتيييييير بس استحملوني فاتحين مدونه على ايش لازم اعبيلكم هيا كلام
يله سي يوووو
ياهلا ويا مرحبا بangel voice
تقولي ماشوفتي سوا في حياتك وان شاء الله
ماتشوفيها ياحلوة بس غريبه انك تمدحي موبايلي
انا اسمع انها مره مالها داعي لاتكوني بتاخدي حق الدعايه بس ههههه
ومبرررروك ياخطيره انتي عميله متميزه عند الاتصالات يا بختك
ومشكورة على مرورك الحلو والرااايق زيك
بواسطة (w)
اعرف اعرف …
جاي متأخر مرة
لا وابشركم كمان حبدأ الفلسفة
بصراحة أول شي عجبني هذا الموضوع لأنه مو موضوع سهل ولا هوا موضوع اي احد ينتبهلو مع انه مكتوب بلغة بسيطة جدا
وهذي بصراحة نقطة اعجاب باسلوب وفاء …
انا عندي خلفية بسيطة عن هذا الموضوع وحبيت اشارككم بيها
اولا … سياسة بطايق مسيقة الدفع سواء كانت “سوا أو موبايلي” الهدف الاساسي منها “اغراق السوق”
يعني بالعربي وبلغتنا انو كل زقاق يكون فيه محل يبيع ارقام وكروت شحن
عشان كدا نشوف في محلات الجوالات لستة طويلة بارقام ما تنتهي للبيع وتنشرى وبدون اسم
طبعا هذا الشي لو جوانب سلبية
انه من الصعب خدمة هؤلاء العملاء او تقديم رقابة نحو الاسعار واماكن البيع
بالنسبة لموبايلي واتوقع ان هذا النظام مطبق حتى في الاتصالات
يتم تقسيم العملاء الى اقسام حسب نوع ارقامهم مسبقة الدفع او فواتير منتظم في السداد او فواتيره بمبالغ طائلة ومنتظم في السداد او عميل مميز “وراه واسطه يعني ”
طبعا في قسم جودة واللي يشتغلو فيه ” بنات ” يقيمو كل المكالمات اللي تحصل وبعد ما ينتهي التقييم يكافئ الأوائل بمكافئات مالية وشهادات … والاواخر قد يتم معاقبتهم بالرد على فئة أقل
وطبعا اقل فئة هي مسبقة الدفع
لكن الاهتمام موجود حتى بهذي الفئة حتى لو كان بصورة اقل
واصعب شي هو خدمة عملاء مسبق الدفع في حال كانت الارقام مهي باسمائهم لان النظام ما يتعرف عليهم وممكن تسير مشاكل في الموضوع
لكن بصراحة ومن واقع خبرة
عملاء موبايلي متميزين عن عملاء الاتصالات
ولا الشركتين متشابهة الى حد كبير ,,,
معليش على الغلبة مسز وفاء بس عجبني موضوعك
اهلين بيك يا صارخ في اي وقت
وعلى قولهم ان تصل متاخرا احسن من انك مره ماتوصل
واقدر لك اعجابك واهتمامك بالموضوع …
بصراحه في كلامك اتطرقت لامور ناس كتير مايعرفوها وانا وحده منهم
لفتني موضوع قسم الجوده اول مرا اسمع عنه بصراحه
انا معاك انه هدف الشركات اغراق السوق بالبطايق
ودا الشي مرا ملاحظ وواضح بس بالمقابل المفروض انه الشركه
تكون قد المسؤليه وتنتبه اكتر من كده عشان سمعة الشركه نفسها
ومشكور على المرور وكتر من الفلسفه اصلا
نحن سوينا المدونه عشان الفلسفه
بالذات الفلسفه اللي زي فلسفتك يعني تستاهل القراءه والمناقشه
بواسطة (وفاء)
بعد تحيه الاسلام ..
موضوع جميل جدا …
انا بصراحه تعبت من الفواتير والسوا … وكمان جربت لنا ..
لنا = قمه النصب .. والشفط .. لدرجه انام واصحى الرصيد يروح .. اتصل عليهم يقولون في مشكله بالسستم .. بعد 24 ساعه ترجع فلوسك .. وما اشوف منهم اي شي
احنا الحين مانواجه مشكله انتشار الخدمه .. بالعكس هذا من صالح المواطن وتعدد الشركات شي حلووو
<<<<< ولع سيجاره
بس السؤال هنا ..
مين يضمن حق المستهلك .؟؟؟؟
وهذي هي المشكله الأم …
خاصه بالبطايق المضروبه … كثير يشترون بطايق تطلع مشحونه .. لدرجه كثير من المحلات تحط ستكر على الباب ..نحن غير مسؤلين عن بطايق الشحن ؟؟؟
نصب* احتيال* خدمات زفت*رسوم عاليه جدا
دااااايم وابدااااا
احنا مظلومين من شركات الامتصاصات بكل الوسائل
واسف على الإطاله
سلامولله عجبني هلموضوع انا كنت جوال مسخوها معي بلفواتير وطلعت سوا وفقروني ولان مع موبايلي عام وبشوف اخرتها معاهم